رجعت أخيرا
بصراحة ضعف الإهتمام بمواضيع المانجا شئ محبط فعلا بس بالرغم من كده أفضل إن النقاش يبقى فى الموضوع الأساسى ، السبب بالنسبة لى إن لو الموضوع نشط حتى لو بشكل بسيط فده ممكن يشجع البعض على المتابعة و يمكن الرد و على العكس لو الموضوع تم تركه هايتم نسيانه مع الوقت و حتى لو حد عاوز يكتب رد هايتردد فى رفع موضوع قديم
على سبيل المثال أحد أعمال الموسم الحالى Mahoutsukai no Yome ليه موضوع فعلا بس تم عمله من فترة طويلة و كانت النتيجة إن معظم المتابعين ماعندهمش فكرة عنه و لو كتبوا رد بيكتبوه فى موضوع أنيميات الموسم
بالنسبة لآخر شابترين فانطباعى كان Mixed ، من جهة حبيت إن إستاروزا و زيلدريس بقى ليهم دور حقيقى فى القصة و إن أخيرا هانشوف إستاروزا بيتحرك بعد كل التلميحات بخصوصه ده غير إن اتجاه الأحداث مثير للإهتمام نسبيا و التطورات اللى حصلت كانت مشجعة فعلا
من جهة تانية عدد كبير من الأحداث سهل توقعه ، على سبيل المثال ماعنديش شك إن ميليوداس قال لزيلدريس إن جيلدا لسه حية و إنه عارف مكانها و عشان كده بيساعده و إن مافيش خطر حقيقى من ميليوداس و إن بان هاينجح فى مهمته و ما إلى ذلك
بالنسبة لمسار الأحداث ففى البداية كنت متوقع إن المواجهة الأخيرة هاتبقى ضد روديسيل و مجموعته بس واضح إن الوضع هايبقى مختلف و إنها هاتبقى معركة كبيرة شاملة كل الأطراف زى ما حصل من 3000 سنة و احتمال إن ميليوداس بعد ما يرجع لطبيعته و يبقى ملك ال Demons يدخل فى حرب ضد روديسيل و البشر اللى اتحكم فيهم
ماظنش إن النهاية هاتبقى حزينة و اللى حسيته إن المؤلف متردد فى إتخاذ قرار نهائى بالنسبة لبعض الشخصيات بدليل رجوع إيلين و ده مخلينى مش قادر اتحمس بشكل كبير للأحداث الجاية بالرغم من البداية القوية لأنى حاسس إن مافيش خطر حقيقى للأسف
نفس رأيك بالضبط ، حاسس بموضوع الـFriend Zone هذي إلي حتخلي كل لحظة حزينة تتحول لسعيدة فالشابتر إلي بعده ، توقع المعركة الشاملة سهل بعد عودة الملائكة الأربعة إلي سابقًا كانو بيخافو من ميليوداس فالوضع معاهم ما أعتقد بيختلف من حيث التفوق كون ميليوداس يفوقهم قوة لوحده. وفعلًا موضوع الخطر شبه صار مزعج بعد ما كان العمل متفوق من ناحية القتالات والأحداث.