عبدالله اتركك من سالفة انه يمشي على نمط واحد وركز على الاحداث نفسها، لأنه بالنهايه اغلبية السلاسل تمشي بنمط معين.
ابقول لك حاجه وماادري اذا احد يشاركني فيها والا لا بس انا اشوف سكايبيا اسوأ ارك على الاطلاق والجزئيه الوحيده الممتازه فيه(مره ممتازه على فكره) هي جزئية الفلاشباك، ارك ممل وغبي والعدو اللي فيه بيض وكمية تمطيط مهوله. كنت على بعد شعره من اني اسوي له سكيب.
ديمون انت مثل اللي لعب اول ساعه من بلودبورن وقال ميازاكي ما يعرف يسوي ألعاب. البدايه بارده مع اني اشوف الابستا وارك ارلونج ممتازين جدا، بس المستوى يبدأ بعد سكايبيا واللي كويس انك سويت له سكيب.
بس طبعا ما يمنع انه ممكن تجي بعض الاركات او الجزئيات الأقل مستوى، ارك الحرب قمة القمة وبرأيي هي افضل جزئيه قصصيه لأي منتج على الاطلاق بس بتفقد جزء كبير منها اذا انت ساحب على القصه والاحداث وتجهيزها وناقز لها علاطول.
لا ما سويت سكيب لشئ لأن من الذي فهمت ون بيس يعطيك جزئيات يشرحها بعدين؛ زي في في نهاية الأرك والكلام عن تاريخ سكايبيا والنقوش على الحجر والتاريخ الحقيقي للعالم والخ. الأرك كفكرة مش سئ بس كتطبيق وشخصيات هنا المشكلة ويب أنا أعجبني الفلاشباك فعلًا.
أرلونج كان حلو، الباستا ساجا ضخمة وفيها أشياء ميه مثل مواجهة Wapol (فلاشبالك تشوبر صنع الجزئية ذي وكان ممتاز). والمواجهة الأخيرة مع جماعة Baroque جيدة أيضًا.
هو بالغالب لما نقول الابستا نقصد جزئية كروكودايل تحديدا، فوش رايك فيها لحالها؟ وجميل انه اعجبتك بعض الجزئيات كذا اثق بأنه بيعجبك اللي جاي قدام وموب انه كله ما ناسبك.
بالنسبه للفلاشباكات فاستمتع فيها، وحدة من اكبر ايجابيات ون بيس وكل فلاشباك تقريبا يجي بتعرف انك قدام شي ممتاز بدون شك.
أعشق آراكي، توغاشي كاتب أسطوري وآرك النمل كان للتاريخ، لكن أودا؟ آسف، أودا فوق قدراتهم وأكبر منهم
يمكن تكره ون بيس لأن التون ما ناسبك، يمكن تكرهه لأن أودا يحاول يخلي العمل ككل accessible لجمهور الشونين، أو لأي سبب آخر. لكن لما نحط ون بيس في ميزان الحقائق، لما نتكلم عن الworld building، ولما نتبحّر في الstorytelling، ون بيس في مستوى آخر تمامًا
كل مرة أرجع اقرأ فيها ون بيس من البداية انبهر، كيف أسماء مناطق وشخصيات كنت تعتقد أنها puns وحاجة هزلية، لتكتشف بعد 400 أو 500 شابتر أن كل هذا كان references مخطط له من البداية. يب، بعد 10 سنوات، يرجع أودا يذكرك كيف كان يتلاعب بك بدون ما تشعر!!
وبناء العالم، أودا قدر يخلق عالم قابل للتصديق حتى مع كل عناصر الفانتازيا، لماذا؟
السر في الثيمات. ون بيس وحتى ولو غلّف بمظهر طفولي، إلا أنه يحمل معه ثيمات قوية جدًا لا يتجرأ معظم المانجاكا على إدراجها في قصصهم
العرقية، التعصبات الدينية، الاستعمار نفعيات الحرب، صراع الأخلاقيات والقانون (القراصنة ضد حكومة العالم)، الإبادات الجماعية، العنف، التلاعب/تحسين النسل، العبودية، إزالة/تغيير التاريخ، التجارب على الأطفال وغيرها
كل هذه المواضيع نعاصرها وموجودة بواقعنا، إضافة عناصر الفانتاسي ما أضرت بمصداقية العالم، موجودة أم لا، العالم قابل للتصديق، لأن القارئ مؤمن تمامًا بوجودها في واقعنا المرير.
ما أبغى أتهور وأغوص أكثر وأحرق عليك @@ أتركك تكتشف كل شيء بنفسك ^^
وبهذه المناسبة، إسمحوا لي أنصحكم بأحد أعمالي المفضلة على الإطلاق.... فاجابوند ^___^
اقرؤوها سليمان وبسطويسي، ضروري تقرؤوها. وإبراهيم ترى ما نسيت وعدك لي بأنك تقرأها ^^