العضوية الذهبية -- اعرف كل شي عنها

[king zell]

طبعا أكيد اللي قرأ عدد TGM الماضي أو اللي قبله يعرف عن العضوية الذهبية ، احنا تكلمنا عنها و قلنا انها خدمة خاصة يحصل عليها الشخص مقابل مبلغ معين


درسنا الخطوة هذي كثيرا و هذا اللي وصلنا له في النهاية:



العضوية الذهبية (200 ريال سنويا)
- اسم العضو بالذهبي
- موقع Blog خاص .. www.true-gaming.net/user
- ايميل ترو جيمنج .. [email protected]
- مساحة تخزينية مجانية 2 جيجا (ftp)
- اشتراك مجاني في TG Mobile
- بالإضافة الى أشياء أخرى إضافية بسيطة مثل CD خاص يرسل لعنوان الشخص حول العالم




بالنسبة لTG Mobile (( تعرفون إن كثير من الأعضاء أغلب وقتهم في (الجامعة/عمل/مدرسة) و ما يقدرون يدخلون TG و تفوتهم أخبار كثيرة... فراح نسخدم الجوال عشان نرسلهم أخبار قوية حصرية (مثلا إعلان سول كاليبور 4 للبلاي ستيشن3 ، الكشف عن جيم بلاي بايو هازرد 5 فيديو حصري.... الخ) و نستخدم الجوال أيضا عشان نراسل الأعضاء اللي دخولهم قليل لكن مهتمين بالمجلة الفيديو و البود كاست و تصولهم رسايل (تم اصدار حلقة/عدد جديد .. الخ) ، و هذي تشبه كثيرا خدمات الجوال اللي تقدم من الأندية الرياضية أو مواقع الأخبار))



عشان نبدأ هذا المشروع... نحتاج تقريبا 25 عضو مؤكد كمشترك أولي...


أنا متأكد إن مش صعب تنفيذها لأعضاء TG... و طبعا هذي الخدمة و دخلها بيفيدنا كثير في العمل في الموقع و تطويره بشكل كبير... فنتمنى تعاون الأعضاء بقدر ما احنا قدمنا و لا نزال نقدم بشكل مستمر لهم كل شي نقدر عليه


........................................................................



أي أحد عنده اسألة ، اقتراحات يتفضل يعطينا اياها عبر هذا الموضوع

و اللي مستعد يكون أحد أول المشتركين أيضا يخبرنا عبر هذا الموضوع



و هذي بتكون خطوة كبيرة لTG في مسيرته

......................................................................



قائمة المشتركين الأولية (21)

bounty
dragonwarrior
ash storm
Hardcore Gamer
Leon
NESTA
Xeno
Aoks
Xavi
Meshary
الخارق
Anime Lover
Tomb Raider
Alex
Shanks
kratos
ahmed cube
huga neji
Abu Ali
AM2
Nintendude

 

[Humam]

أنا أول واحد وهذي ال200 ريال حقتي:

أهم شي إني أكون رقم 1 حتى قبلك يا محمد :evil:

 

[Bounty]

انا من ناحيتي عندي مشكله بطريقة دفع الحساب لأن ما عندي فيزا .. شنو اسوي ؟

 

[king zell]

انا من ناحيتي عندي مشكله بطريقة دفع الحساب لأن ما عندي فيزا .. شنو اسوي ؟

الدفع عن طريق ايداع بالبنك

ان شاء الله بنوفر حساب في الكويت و السعودية و الإمارات على الأقل

 

[Bounty]

الدفع عن طريق ايداع بالبنك

ان شاء الله بنوفر حساب في الكويت و السعودية و الإمارات على الأقل

بالاردن ما تقدرون ؟ لأني ادرس هناك ..


بالنسبه للكويت يمكن اروح لها قبل العيد فما ادري اذا عندي وقت احط فلوس بالحساب .. اتمنى يكون رقم الحساب موجود هني عشان اقدر اراجعه (رقم الحساب الكويتي) ..


و اتمنى اني اقدر ارسلها عن طريق حواله << اذا ما تعرف طريقتها قول لي ..و انا اشرح لك

 

[Ash Storm]

خطوة ممتازة اكيد و مهمة جداً حتى تقدروا تستمروا ..

لكن للأعضاء اللي حابين يشتركوا في هذي الخدمة و هم من خارج السعودية , كيف راح تكون طريقة الدفع و الاٍشتراك ؟ و كم سعر الاٍشتراك بالدولر تقريباً ؟

 

[king zell]

باونتي و بقية الشباب

لا أحد يشيل هم طريقة الدفع ، اذا تأكد لنا 25 مشترك بنحط موضوع رسمي و تعطيكم طرق دفع كثيرة و سهلة بحيث مهما كان مكانكم ما راح تلاقون صعوبة بالدفع



آش ستورم

53 دولار تقريبا

 

[Yuji Naka]

SEGA

وهذي الـ200 ريال حقتي :cooool:

والله يوفقكم في مسيرتكم
​

 

[Bounty]

عيل احسبني من ال25 .. حطني رقم واحد لول

 

[king zell]

أوكي شباب أنا ببدأ انشاء اللستة

لكن رجاءا اللي مش جدي بالموضوع يقول من الحين

 

[Bounty]

أوكي شباب أنا ببدأ انشاء اللستة

لكن رجاءا اللي مش جدي بالموضوع يقول من الحين

انا جدي 100% .. بس مشكلتي طريقه الدفع .. اذا فعلا تكون سهله اوكي و اذا تبي اشترك اشتراك سنتين جدام لول

 

[Ash Storm]

هممم يعني حوالي 250 جنيه مصري و شوي سنوياً , لو وفرتوا طريقة دفع سهلة و ميسرة للناس من خارج السعودية فأنا من اول المشتركين ان شاء الله ..

 

[dragonwarrior]

إن شاء الله بدفع و بشوف
بيضوها للتي جي موبايل و لاتخلون مسج كل أسبوع!
طريقة الدفع ! أشلون!

 

[king zell]

انا جدي 100% .. بس مشكلتي طريقه الدفع .. اذا فعلا تكون سهله اوكي و اذا تبي اشترك اشتراك سنتين جدام لول

لا تخاف من طريقة الدفع.. نرسلك لك مندوب اذا تبي :yuck:

 

[Humam]

خخخخ محمد الي مو جدي نطبق عليه المثل " دخول الحمام مو زي خروجه " .. على طول ban !

 

[Bounty]

لا تخاف من طريقة الدفع.. نرسلك لك مندوب اذا تبي :yuck:

بعد راسي .. قدها بوجاسم

 

[Hardcore Gamer]

سجلوني مع اللي بيشتركو

 

[dragonwarrior]

عندي أقتراح السيدي ما له داعي و عوار قلب أذا فكرت فية (أذا الشخص بأمريكا أو اليابان أو الكويت...)
خلوه موقع FTP للمشتركين ينزلون أشياء و ملفات خاص لهم! فيديوات , خلفيات, نغمات كل ما يجي بخاطركم!
الحصول على حلقات تيجي قبل المشتركين العاديين بساعتين مثلا أو يوم .

 

[Bounty]

عندي أقتراح السيدي ما له داعي و عوار قلب أذا فكرت فية (أذا الشخص بأمريكا أو اليابان أو الكويت...)
خلوه موقع FTP للمشتركين ينزلون أشياء و ملفات خاص لهم! فيديوات , خلفيات, نغمات كل ما يجي بخاطركم!
الحصول على حلقات تيجي قبل المشتركين العاديين بساعتين مثلا أو يوم .

لول اي والله السيدي ماله معنى .. و حلوه فكرة تنزيل ملفات للمشتركين بس ..

 

[Leon]

ماشاءالله تبارك الله , الله يعطيكم العافية كل مالكم بتفاجؤونا بشي جديد ماشاءالله عليكم عيني عليكم باردة.., خطوة رائعة راح تفتح لتي جي أبعاد جديدة ,,انشاءالله الحلو يكمل..

أعتبروني مشترك من الأن..وهذي فلوسي..(^_^)..................بالتوفيق انشاءالله.

 

[H-Bomb]

في طريقة بسيطة للدفع ... Western Union ... مثل الإيداع البنكي وموجودة في كل البلدان العربية والأجنبية ... وتكلفتها ما بين 15 - 35 ( مجربها )

أدخل www.westernunion.com وشوف أقرب فرع لك ...

حالياً ما عندي جوال :slant: ... بس أطلع راح أشترك

...

 

[NESTA]

ماشاءالله تبارك الله , الله يعطيكم العافية كل مالكم بتفاجؤونا بشي جديد ماشاءالله عليكم عيني عليكم باردة.., خطوة رائعة راح تفتح لتي جي أبعاد جديدة ,,انشاءالله الحلو يكمل..

أعتبروني مشترك من الأن..وهذي فلوسي..(^_^)..................بالتوفيق انشاءالله.

اتمنى تسجيلي مع المشتركين .... FORZA TRUE GAMING

 

[Xeno]

أنا بشترك انشالله وأقدر أدفع عن طريق الكريدت كارد.

أولا لدعم الموقع وثانيا للخدمات. ::

 

[Aoks]

انا بشترك 3=

 

[Xavi]

بما ان المبلغ ذا يروح لدعم الشبكة لتقديم الأفضل ، فهذا شي يجبرني ويشرفني على الاشتراك

 

[Gon freeces]

سؤال : السي دي ايش بيكون فيه ؟
سووا اغنية لكل مشترك زي ذاك الرجال :O

يمكن اشترك بعد ما اتخرج , او اذا صار لي حساب بالبنك.............

 

[Mesharey]

أنا بشترك انشالله
أولا لدعم الموقع وثانيا للخدمات. ::

هنا أيضا بشترك إن شاءلله لدعم الموقع أولا والخدمات ثانيا ..
لكن مشكلتي بالدفع .. ما أقدر استعمل بطاقتي على النت مو موجودة هالخدمة بالبطاقة ..

 

[الــخــــارق]

احسبني منهم ..
متحمس للفكرة جدا ..

وبالنسبة للـCD بالعكس أحسها حركة جدا قوية ..

خاصة وقت المعارض بحيث يكون فيه عروض HD ..
لأن مهوب الكل عنده اتصال 6 ميجا ..

فتوفير عروض HD في الـCD او الـDVD شيء كافي جدا بالنسبة لي لتأييد الفكرة ..

متى يبدأ رسميا ؟

 

[Mr.3B]

...

Of course I'm in .. I can pay by Master Card or by Cash when I come back at Dec

 

[Tomb raider]

بشترك !!!..بس ما اعرف كيف ادفع انا عندي بطاقة (حساب "توفير" )
يعني اقدر احول؟وكيف؟