xAbdulla
Hardcore Gamer
عن نفسي، ولا فديو أو كتاب تعليم رسم علمني شي. أفتكر كنت أقرأ أيش مكتوب ولا أستوعب حقيقي الفكرة ورا الكلام. الشي اللي حقيقي علمني أني أشوف رسوم الناس وأقول ليش هادي شعرها شكله سلس وطبيعي؟ ليش العيون دي أحلى من العيون ديك، كيف حسّيت بطبع شخصية دا الرسام من صورة وحدة بس. وقفة الشخصية، نظرتها، الظل، الملابس. وأحياناً أشوف كيف الرسامين بيرسموا إنسان كل واحد بطريقته وأتأمل كيف كل رسّام شاطر له بصمته اللي هتخليني أعرف أنه الرسمة رسمته فين ماشفتها.
غير أنك تجرب ترسم/ تلون بكل أدوات الرسم ألين ماتلاقي الأدوات المرتاح معاها، درجات الرصاص، كوبيك ماركرز، ألوان مائية، أكريلك، زيتية، حتى القلم الأزرق الناشف! لأنه جمال الرسمة هيبان أكثر كل ماكنت مرتاح مع أدواتك وتبغى تبدع بيها.
آخر شي، كل ماأحس أني نفسي أشق الرسمة اللي قدامي، وأفكر أني أترك الرسم لأنه مو عاجبني مستواي بالرسم وأقارن بيني وغيري أعرف أني بدأت أتحسن ونظرتي للرسم بدأت تطور، فلا تستسلم مهما فكرت أنك ماهتتحسن، لأنك هتحس بدا الإحساس كتير
نفس ما قلت مهاراتي في الرسم صفر يعني ليحين ارسم الانسان على هالشكل واحط الشمس في زاوية الورقة (&)
انا احب ستايل الانمي والكرتوني
مجرد هواية طبعا
شكرا, ان شاءاللة في اجازتي بتفرغ حق الدروس
بيكون رهيب لو شاركتنا معاك في رحلتك. أرجوك شارك ولا تستحقر أبسط رسمة 
شفت الكثير من الرسومات الجميلة جداً هنا .. وهذا ما دفعني للمشاركة. 
