AM152
True Gamer
الاسم : Boku no Hero Academia أو My Hero Academia
النوع : شونين ، مغامرة ، أكشن ، خيالى
تاريخ العرض : 3 إبريل 2016
عدد الحلقات : 13
الأستديو: Bones
المؤلف : Horikoshi Kouhei
العمل يبقى أول عمل يتم تحويله لأنمى للمؤلف و ثالث عمل ليه بعد مانجا Sensei no Bulge (مانجا من 16 شابتر) و Oumagadoki Doubutsuen (مانجا من 38 شابتر)
المخرج: Nagasaki, Kenji و من أعماله Gundam Build Fighters و Classroom☆Crisis
نبذة :
فى الوقت اللى معظم الناس فى العالم بقى عندهم قدرات خارقة، Midoriya Izuku واحد من الحالات النادرة اللى ماعندهاش أى قدرات بس بالرغم من كده كل حلمه فى الحياة إنه يبقى بطل حتى لو ده مستحيل لغاية لما حياته هاتتغير كليا بعد مقابلته للبطل الأسطورى All Might
الشخصيات:
Midoriya Izuku
الأداء الصوتى : Yamashita, Daiki من أعماله Onoda, Sakamichi من Yowamushi Pedal
All Might
الأداء الصوتى: Miyake, Kenta من أعماله Scar من Fullmetal Alchemist: Brotherhood
Bakugou Katsuki
الأداء الصوتى: Okamoto, Nobuhiko من أعماله Karma من Assassination Classrom
Uraraka Ochako
الأداء الصوتى: Sakura, Ayane من أعمالها Tomori, Nao من Charlotte
رأى شخصى:
العمل من أكثر الأعمال المترقبة فى الموسم ده و فى حماس كبير بخصوصه ، ده يرجع للنجاح و الشعبية الكبيرة اللى المانجا حققتها من الشباتر الأولى و بشكل قليل لما يحصل
نجاح المانجا ليه أكثر من سبب ، العمل شونين بس ليه طابعه الخاص اللى قدر يتميز بيه عن باقى أعمال الشونين و من ضمن أسباب تميزه:
بالرغم من إن البطل عنده بعض صفات بطل الشونين إلا إنه فى نفس الوقت ذكى جدا و عنده قدرة على التخطيط على غير المعتاد فى باقى الأعمال
المواجهات مابتعتمدش على قوة الصداقة و المؤلف بيحاول يبقى واقعى فيها على قدر الأمكان
العمل فيه عدد كبير من الشخصيات الجانبية المتميزة
طبيعة العالم تخلى الPotential كبير جدا للعمل
بعد ده السؤال يبقى هل هايحقق الأنمى المطلوب منه و يكمل نجاح المانجا ؟
بصفة عامة استديو Bones معروف عنه الجودة من ناحية الإنتاج و الأنيميشن و المشاهد اللى تم عرضها كانت جيدة جدا و رفعت الهايب للعمل لكن من جهة تانية فى تخوف من طريقة إقتباس العمل خصوصا بعد ما اتضح إنه هايبقى 13 حلقة بس و ده غير كافى بالنسبة للبعض خصوصا متابعى المانجا اللى كان عندهم أمل فى إن الأنمى ينضم لأعمال الشونين الطويلة
فى الآخر اتمنى إن أستديو Bones ينجح فى تقديم العمل بالشكل المطلوب و أظن إن نجاح العمل ممكن يخليه سيتمر و يتم تقديم مواسم تانية
التعديل الأخير: