hits counter

نقاش أنمي شتاء 2020 | Jibaku Shounen Hanako-kun أشباح و يوكاى و شائعات

بادئ الموضوع #1



Jibaku Shounen Hanako-kun أو Toilet-bound Hanako-kun

عدد الحلقات : 12 حلقة
التصنيف : خيالى ، مدرسى
الأستديو : Lerche
المخرج : Masaomi Andou و من أعماله ( Kanata no Astra و Gakkou Gurashi )

العمل مقتبس من مانجا من تأليف Iro Aida

نبذة :

فى مدرسة Kamome فى شائعات بوجود سبع ألغاز و منها شبح Hanako-kun ، على حسب الشائعة Hanako ممكن يحقق أى أمنية مقابل ثمن و ده اللى هايخلى البنت Yashiro Nene تبحث عنه على أمل تحقيق أمنيتها بس الموضوع هايتطور بشكل غير متوقع

رأى :

العمل متميز من عدة نواحى أهمها الآرت و الإخراج ، آرت العمل بالذات مميز جدا و بيدى طابع جميل صعب أوصفه ، الإنيميشن فى العمل ضعيف بس الإخراج الممتاز و طرق الإنتقال المختلفة من مشهد للتانى بيعوضوا ده بشكل كبير ، بالإضافة لكده شخصيات العمل جيدة و التفاعل بينهم كان رائع حتى الآن مع أداء صوتى مميز لشخصيات هاناكو و نينى

العمل بيبدأ Episodic بس تدريجيا ال Plot بيتضح و الأحداث بتبدى تبقى مرتبطة ببعضها ، طبيعة العمل تخلينى أظن إنه مش هايبقى مناسب للكل بس فى نفس الوقت أظن إنه يستحق التجربة
 
بادئ الموضوع #2
بعض الردود بخصوص العمل :

Jibaku Shounen Hanako-kun

ماكنش عندى أى معلومات عن العمل بس سمعت مدح عنه و قررت أديله فرصة، بصفة عامة أكثر شئ مميز للعمل يبقى الستايل و الآرت و حبيت طريقة استخدام الألوان فيه

مثال للآرت (و إن كان مايعتبرش مقياس حقيقى للعمل لأسباب واضحة :expressionless:) :




بالنسبة لفكرة العمل نفسها فمش جديدة و إن كانت جيدة من ناحية التقديم مع وجود Potential للإرتفاع فى المستوى بعد كده
الحلقه الاولى كانت حلوه بس عيب الاستايل دا أو يمكن لا هو تقريبا حسيت أن الحلقه عباره عن مانجا ملونه مع تحريك شفاه الحلقه معظمها خلفيات ثابته اكنها واخده بانل المانجا
من زمان عن أنمي قصته شاطحة نفس هذا.(&)



نفس رايك حسيت ان الاقتباس مقتضب شوي و واضح انه ماسك بانلز المانجا حرفياً. مش حاجة تخليني اترك الانمي اكيد لكن راح اشوف لو يستمروا عليه او لا.
فى مشاهد كان واضح فيها فعلا ضعف الأنيميشن إلا إن الأنمى كان بيتعامل معاها بطريقة جيدة باستخدام أساليب مختلفة للقطع و الإنتقال و ده مع جمال الخلفيات و تصميم الشخصيات ساعد فى تقليل حجم المشكلة بالنسبة لى
Jibaku Shounen Hanako-kun

الحلقة الثالثة

الحلقة كانت أحسن بكثير من أول حلقتين (و اللى مستواهم كان جيد) و قدرت تستفيد من الآرت المميز للعمل بشكل واضح عشان تقدم عالم يقدر يشد إنتباهك ليه و حبيت إنها قدرت توازن بين الجو الكريبى للعالم مع بعض المشاهد الكوميدية من غير مشاكل ، متحمس فعلا للحلقة الجاية
 
#3
متابع العمال من البداية .. عمل غريب فعلا لانه مزيج بين شي كريبي وكيوت بس موازن بينهم بشكل جيد

طبعا من اقوى نقاط العمل الارت والقصة ما زالت على جانب الغموض بالاضافة الى شخصية البطلة المضحكة الي محلية جو العمل بتصرفاتها المراهقة :tearsofjoy::sweatsmile:
 
الإعجابات: AM152
بادئ الموضوع #5
الحلقة 9


الحلقة اللى فاتت كانت جيدة فعلا بس الحلقة دى بتثبت ليه نينى تبقى شخصية رهيبة و من أحسن ما فى العمل :grinning:
بداية الحلقة كانت خفيفة و حتى بعد إختطاف نينى الجو الكوميدى فضل موجود بشكل غير متوقع خصوصا بعد اللى شفناه من تسوكاسا فى الحلقة اللى فاتت بس فى لحظة واحدة تسوكاسا رجع لأسلوبه الكريبى مرة تانية و ده خلى وقع اللى حصل أقوى
أحد النقط اللى لفتت إنتباهى يبقى إن ساكورا قالت أنها طلبت أمنية من تسوكاسا فى الوقت اللى المفترض إنه بيحقق الأمنيات للأشباح فقط على عكس أمانى (هاناكو) بس ممكن يبقى فى تفسير لده و بصفة عامة واضح إن العلاقة بينهم معقدة (و مش صحية)

شخصية ناتسوهيكو طلعت أغرب من اللى توقعته و حبيت دوره فى الحلقة خصوصا جزئية إختطافه مع نينى :tongueout:

الجزئية الأخيرة مع محاولة نينى و ناتسوهيكو للخروج من ال Nowhere (بمساعدة هاناكو) كانت رائعة و عودة موفقة للكوميديا مع بعض المشاهد ال Random زى ريفرنس Terminator هنا :laughing::




الحلقة كانت مثال لأسلوب العمل فى الموازنة ما بين الجو الكوميدى و الكريبى فى نفس الوقت بس من اللى شفناه واضح إن شخصية تسوكاسا هاتبقى أسوء بكثير و ده بيخلينى أقلق من إتجاه العمل بعد كده أو إيه اللى ممكن يكون عمله فى هاناكو
 
التعديل الأخير:

Abdo Aly

Hardcore Gamer
#6
مع انتهاء الحلقة الاخيره بقولها بكل صراحه دا مفاجئه الموسم دا كان ممتع جدا مع ارت ستيل جميل جدا الكثر من الغموض لم يكشف و مع عدم الاعلان عن موسم ثاني اعتقد اني هتوجه للمانجا
معنديش تعليق معين غير تعليقي السلبق غير كدا كله تمام 8/10
 
الإعجابات: AM152
بادئ الموضوع #7
مع انتهاء الحلقة الاخيره بقولها بكل صراحه دا مفاجئه الموسم دا كان ممتع جدا مع ارت ستيل جميل جدا الكثر من الغموض لم يكشف و مع عدم الاعلان عن موسم ثاني اعتقد اني هتوجه للمانجا
معنديش تعليق معين غير تعليقي السلبق غير كدا كله تمام 8/10
متفق معاك بالنسبة للعمل و بالنسبة لى توجهت للمانجا فعلا و شايف إنها تجربة جيدة بس لو ناوى تتوجه ليها فيستحسن يبقى من بدايتها لأن الأنمى تجاوز بعض الأحداث