مساعده في انتقاء الافضل اتصال DSL

[REDFOX-ZERO]

سلام عليكم

يا شباب الكويت انا بديت احتر من شركه اسمه كوالتي -نت يعني ترفع ضغط بالمره ودي اغير حق شي ارخص

الاسباب تغير : خدمه عملاء خايسه كل ما اتصل يسدونه بوجهي !

2 : عددم تعويض عن انقطاع دي اس ال ( يعني مثل سالفه الكيبل ) وكل ما قلت سالفه تعويض يقولون : لحظه اخووي .... طوط طوط طوط طوط ..... سدوه ...

3 : احكم بنفسك



صج فنتاستك ينزلون دينار او دينارين حق اشتراك شهر وسنوي ينزلون واجد ؟؟؟؟؟؟؟؟؟

المهم ( ناس وصلت القمر وانا قاعد اقط اشتراكات غاليه جدا جدا )

لقيت شركه ارخص منه بعشر مرات بس الكلام الي ابي اوصله اهي توفي كل احتياجاتي شخصيه ؟؟؟؟ مثل ( XBOXLIVE - TORRENT UPLOAD -DOWNLAOD)

وتصفح .

المهم هذي قائمه الاشتراكات حق United Networks الي تالعه حق جلوبل دايركت في الكويت وافكر اني استخدم 2MB ومحتار شلون سرعه والاداء حق الاكس بوكس والكبيوتر ؟؟؟؟؟




ساعدوني جزاكم الله خير

 

[Snake-87]

يونايتد سيئة جدا على كلام ناس وايد .. قليلين إلي مدحوها والاشتراك يفصل ..
خلك فاست يا حبيبي

 

[m7tram]

مادري اذا انت تدفع شهرياً كاش .. فالغلط منك مو من كواليتي , أحلى استقطاع سنوي وأحلى الاسعار وعن نفسي اعتقد ان كواليتي هي الأفضل في الكويت ( مو معناتها انها عجيبه لان شركات النت الي بالكويت كلهم سكه ) .

 

[Burdegation]

فعلا مثل ماقال سنيك ..يونايتد خربوطه لا تفكر تاخذ منها

احسن اثنين كواليتي و فاست تلكو

 

[S n A k e]

عندكم 2 ميقا بالشهر 1000 ريال وش دعوه غالي مره حنا بالشهر 2 ميقا 305 ريال اغلب الشركات بحدود هالسعر لا وشهر مجاني زياده هالعرض له 5 شهور وكل ما اشترك يعطوني شهر مجاني زياده الله يعينكم بالكويت

 

[Burdegation]

^
الاحتكار و مايسوي -_-

 

[Rare Games]

شباب بغيت استفسر

انا مشترك سنوي ون ميغا عند كواليتي ليه شهر 9 الجاي

ودقيت عليكم يقولون ما يصير تزيد السرعه لازم تدفع سنه كامله جديده السالفه فوضى
:

في احد زاد سرعته او شي عند كواليني

لان شوتايم قالولي نفس الكلام بالتلفون ولما رحت لفرعهم ابي ازيد السرعه ما قالو شي وزادوها

 

[Burdegation]

^
انا يوم كنت بشترك عند كواليتي قتلهم اذا كنت اقدر ازيد السرعه و اشتراكي للحين مستمر

قالولي عادي بس تدفع الفرق

هالكلام مادري اذا كان يجذبون علي على شان اشترك معاهم او صج

احسلك تروح الفرع عندهم تسئل

 

[REDFOX-ZERO]

والله كلامكم كله علي عني وراسي بس في مشكله كبيره الي اهو ( الانسان مايعيبه شي الا جيبه ) ما ادي هل هذي المقوله صحيحه او لا ؟؟؟؟؟

بس كل الكلام انه كوالتي وفاست وكيييييمز غالين كلش يعني بصوره ما اقدر اكفي مصاريف الاشتراك عندهم ولو بجمع حقهم بروح العرض واتمشكل ....

انا سالفه الاشتراك ماعهم بالاستقطاع ........ صعبه جدا علي انا ( مو موظف ) انا شفت ولد عمي مشترك وياهم وهم بعد رفيجي يقول اووكي لا بآس بس انا ابي ( اسآل مجرب ولا تسآل دكتور ) في احد مشترك وياهم الحين .......


خلني اكوون صريح بعد البحث اليومي في يو تيوب وجد ...

[YOUTUBE]Ha8XcytpfW4[/YOUTUBE]

اتوقع انه مشترك لايت مو الترا .

ساعدوني اسآل اي احد عنده اشتراك يونايتد عشان ام اتوهق ؟؟؟؟؟

 

[Rare Games]

جلوبال دايرت هي شوتايم عدل ؟؟؟؟

انا كنت مشترك عند شوتايم سنه كامله 256 واخر 3 شهور رفعته 512

التصفح عندي ممتاز لكن تحميل التورنت ما اقدر افيدك لاني ما كنت احمل كثير بوقتها تورنت لكن التحميل عن الرابط المباشر كان ممتاز

و كنت احمل ديموهات من بلاي3 واكس بوكس وكان يعطيني السرعه الطبيعيه مثلا

512 يحمل في اغلب الاوقات 200 ميغا في الساعه و لعب الاونلاين للاسف ما العب كثير
هذا كل الي اقدر افيدك فيه اذا كانت جلوبال دايرت هي نفسها الشوتايم وما اذكر انها عمرهم قطوه عني

 

[m7tram]

شباب بغيت استفسر

انا مشترك سنوي ون ميغا عند كواليتي ليه شهر 9 الجاي

ودقيت عليكم يقولون ما يصير تزيد السرعه لازم تدفع سنه كامله جديده السالفه فوضى
:

في احد زاد سرعته او شي عند كواليني

لان شوتايم قالولي نفس الكلام بالتلفون ولما رحت لفرعهم ابي ازيد السرعه ما قالو شي وزادوها

الي تكلمهم بالتلفون مايدرون وين الله قاطهم أحسن حل تروح وتسئلهم أهم نفسهم .

على العموم واحد من الشباب كان مشترك 1 ميجا لمده سنه لي شهر 11 .. رحنا لهم بالمعرض وزدنا الاشتراك ماله ودفعنا الفرق ويخلص اشتراكه شهر 2 من 2010 .

عندكم 2 ميقا بالشهر 1000 ريال وش دعوه غالي مره حنا بالشهر 2 ميقا 305 ريال اغلب الشركات بحدود هالسعر لا وشهر مجاني زياده هالعرض له 5 شهور وكل ما اشترك يعطوني شهر مجاني زياده الله يعينكم بالكويت

اذا سويت أستقطاع شهري لمده سنه .. يصير السعر رخييص وبفرق كبير , يعني على أيام المعرض الـ2 ميجا بـ230 ريال شهرياً .. اعتقد سعر ممتاز .

 

[m7tram]

شباب .. لحقو على عروض كواليتي نت .. عروض روعه .

سوو اشتراك سنوي أستقطاع شهري :

35 دينار شهريا لـ4 ميجا .
31 دينار شهريا لـ3 ميجا .
20 دينار شهريا لـ2 ميجا .
14 دينار شهريا لـ1 ميجا .

الي يطوف عليه العرض .. ماعنده سالفه P: , العروض لي حد يوم السبت لحق قبل لا تلطم :laugh:: .

 

[gaara 660]

الثعلب الأحمر رقم صفر ...

أنا اشتركت خلال شهر فبراير ببدايته ،،،
2 ميجا بـ 225 دينار

وانت شد حيلك للسنة الجاية