أوكي سوري أني تأخرت أني أكتب انطباعات مفصلة عن اللي لعبته لاني كنت محتاج أعيد الديمو مرارا وتكرار وأخذ انطباع ممتاز عن كل شي ممكن يتيحه لي + نومي كان جدا ملخبط وانشغالات خلتني أتأخر زيادة عموما..
أول شي لازم أقوله هذي شينمو بشحمها ولحمها بدون أي مجاملات بالموضوع... مافي أي أحد بالغ من الصحفيين لما وصفها انها تجربة شينمو حقيقية لأنها كذلك!
يا سادة يا كرام احنا قدام تجربة شينمو محترمة تحترم أصولها وماني قادر أصدق أني طلعت بالانطباع القوي هذا من ديمو مافيه أي حرق للقصة وجدا محدود سواءا بالمساحة أو التاسك المطلوب منك أجل كيف اللعبة كاملة!
نتكلم أول شي عن المظهر العام للعبة والمستوى التقني فيها وخليني أقول أني طلعت منبهر! نعم منبهر لاني اللي شفته خصوصا in-motion كان شي جدا جدا جميل ويفوق تصوراتي والانطباعات اللي طلعت بيها من البيلدز القديمة اللي أنعرضت... اللعبة وصلت تطور كبير وملحوظ جدا الان (ححط صور تحت تثبت جمالية اللعبة وقوة الاتموسفير فيها)
المودلز "كافة" جرا عليها تعديلات متعددة و Mouth sync أفضل بوضوح من البلدز القديمة وبشكل عام المولدز بالديمو طالعيين رائعين والNPCs تصاميمهم جدا مميزة وتقدر تشوف علامات فارقة بين كل واحد فيهم أكثر حتى من الاجزاء الاصلية... طالعيين روعة ومليانيين بيرسوناليتي.
جودة التكستشرز والتفاصيل والاتموسفير كان شي خارق وفاق توقعاتي تماما.
تفاصيل تفاصيل بكل شيء
جودة المؤثرات من اضاءة الشمس لضوء القمر للمبات للدخان للنيران كانت غاية في الجمال!
كمية الالوان والتعامل معها في كل شيء خلى مظهر اللعبة آسر وغني.
أنميشنز المشي الركض القتال الخ كان مرضي الى حد كبير (ولو انه الركضة فيها شي غريب شوية ومش أفضل من الاصلية لكنها تظل سموث) حتى انه مثلا مهتمين بخطوات الدرج أنها تكون صحيحة مثل الالعاب الاصلية.
التحكم بصفة عامة جدا سلسل وريسبونسف الى حد كبير
نظام الطقس أو كما تسميه شينمو Magic Weather جدا متقن هنا ويخلق أتموسفير رائع مع Sky-box غاية في الروعة
وفوق هذا كله أتفاجأت قد أيش اللعبة optimized وشغالة بشكل جدا نظيف بدون مشاكل حتى على أجهزة قديمة نوعا ما (جربتها 1080P على لابتوب عمره 5+ سنين وكانت ممتازة جدا وجربتها كذلك على الdesktop تبعي 4K وكانت بيرفكت ما عدا من بعض الstutter اللي يحدث لما تخش موسيقى منطقة جديدة) واللودنج جدا جدا قصير ويكاد لا يكون له وجود! بالبداية ثواني ماتصل لعشر حتى وأنسى اللودنج بعدها ما عدا قبل الفايتس ثانيتين او ثلاث! كل شي جدا سيملس بشكل لا يصدق و اللعبة مرة بوليشد بوضعها الحالي وما لاحظت بجز.
* وللمعلومية انا لاعبها بعد ماعدلت على ملف الini ورفعت من اعداداتها أكثر من المتاح بالديمو حتى! أكثر شي بيفرق معاك الdraw distance طبعا اذا جهازك يستحمل الاداء
تروح لهذا الباث C/User/
YOURNAME/AppData/Local/Shenmue3/SavedDemo/Config/WindowsNoEditor
تفتح ملف GameUserSettings.ini وتغير كل القيم اللي تبدأ sg. الى 4 (ماعدا الResolution Quality)
الشي الوحيد اللي سيء وللاسف انا اعتبره جدا سيء كمان هو الImpact حق الضربات كان جدا مفقود ومش صحيح وهو اللي مأثر على مستوى القتال زي ما حتكلم لاحقا تحت.
الأصوات باللعبة رائعة جدا
في موسيقات عائدة ولكن بجودة أعلى كونها نازلة الان من دون أي تقنيات ضغط والبعض الاخر جديد وكلها ملائمة تماما للبيئة الهادئة بالقرية.
أيضا من العظيم انه في تشكيلة كبيرة كالمعتاد من الاوستات كل منطقة ومحل ونشاط له موسيقى ليل او نهار الخ
الاصوات اليابانية للشخصيات ممتازة كالعادة وريو ولا كأنه الزمن مر عليه هو هو صوته الاصلي.
واصوات البيئة عموما جدا متقنة من الحشرات للحيوانات لضوضاء الأطفال وهم يلعبوا الخ
نجي جانب اللعبة نفسها
كل شي تتوقعه من شينمو موجود هنا مع زيادة أمور
نظام التجول والبحث هو هو نفسه وذاته وبنفس التفاصيل حتقدر تحرك ريو بسلاسة أكثر الان وتقدر أنك تتفاعل مع الناس و البيئة من حولك بالتفاصيل المعهودة بالسلسلة
تقدر تتفحص الكثير من الاغراض وتفتح الادراج وتعلق عليهم تقدر تتفاعل مع معظم الNPCs الموجودين لاحظت انه فقط بعض الاطفال والرجل اللي واقف على الاخشاب الطويلة ماتقدر تتفاعل معهم مو كلهم وتقدر حتى هذي المرة انك تجمع herbs او اعشاب وتسوي خلطات وتبيعها وكلها بأنيمشنز متقنة. (ولو انه في أشياء مهملينها مثل عدم وجود أنميشنز للأكل أو الشرب) ولاحظت انه في خرايط تقدر تاخذها وتبين لك تواجد انواع الherbs باللعبة (طبعا بدون أي ماركرز بخريطة اللعبة)
نظام المحادثة هو نفسه في كل مرة في سيناريو جديد حتتغير حواراتك مع الnpcs بصفة عامة والكاميرا وديناميكيتها الرائعة اثناء المحادثات عادة مرة أخرى وبنفس الجودة.
التجول بالمكان يعتمد مثل الالعاب الاصلية على المعلومات ماراح يكون ماركرز في الخريطة كل اعتمادك على المعلومات المستقاة والنوت-بوك خاصتك واللي بالمناسبة صارله أبجريد بحيث أضافوا له Taps عشان تتقسم المعلومات حسب فئتها.
القرية تعج بالحياة والNPCs يمارسوا حياتهم بروتين معين يمشوا عليه
تفاصيل صغيرة مثل طرق ابواب البيوت أو مشهد تحول الوقت من نهار لليل عادوا
تقدر تشتري هذي المرة ملابس من الستور وتختلف بين فئات القمصان والبنطلونات والجزم وبجاكت او بدون.
كل الميني جيمز والانشطة اللي تقدر تقوم بيها جدا متقنة مابين العاب المراهنات او عمل تقطيع الاخشاب أو التدريبات على الدمية الخشبية.
في كمية كبيرة من الايتمز هذي المرة وكلها لها فائدة تجميعك لها راح يتيح لك فتح سكرول-موفز جديدة او جني المال
قائمة الInventory بصفة عامة كبيرة ومليانة فئات ومن ضمن الفئات هذي هي الاكل اللي يلعب دور مهم هنا بحيث يحافظ على الstamina خاصتك واللي يصير لها drain بمجرد مرور الوقت وتنقص بشكل أكبر لما تجري أو تمارس نشاط او تنضرب أثناء القتال ولازم يكون عندك أكل دائما عشان لو ما عندك حتبدأ ما تقدر تجري بريو الا مسافة بسيطة بعدين يتعب ويبدأ يمشي وحتدخل على القتال وانت ناقص stamina (اللعبة تتيح لك انك تاكل شي قبل ماتخش على اي قتال)
وعلى ضوء هذا الشي (الstamina والاكل) انا قدرت أشوف كيف سوزوكي دائما يتكلم عن نظام الeconomy باللعبة وقد أيش هو متقن.
نظام الeconomy هنا يحتاج انك توزن الامور صح انت حتحتاج المال وحتحاج الاكل وحتحتاج الاثنين سوا عشان تمارس يومك.. مثلا انت حتحتاج تشتري أكل لانك لما تقوم بأي نشاط حتحاج تعبي الstamina حقك لانها حتنقص حتى لو بمجرد مرور الوقت وعشان تشتري حتحتاج تشتغل او تدبر الفلوس بالطرق المتعددة المتاحة لك والفلوس هذي نفسها حتنصرف مش فقط على الاكل ولكن مثلا على شراء الحركات اللي تعطيك ادفانتج اثناء القتال او تروح تستمتع فيها في مكان ترفيه او تشتري فيها ملابس وحتى تفاعلك مع الاشياء الجانبية rewarding ويكفائك بitems اللي لو جمعتها مع items ثانية وسويت set تقدر تجيب حركات او items جديدة الخ في امور كثير متربطة ببعض واللي حتخلي عملية الانغماس بكل هذي الامور اكثر متعة.
بالنسبة لنظام القتال وهو أكثر شي ما كنت راضي عنه بكل الاستعرضات اللي شفناها حتى الان..
لكني أقدر أشوف الان بعض الايجابيات فيه
- التحرك جدا سلس واذا ضغطت على الانالوج باتجاه معين ضغطة وحدة بس فيصير تفادي بدل تحرك فتحس انها simplified وذكية بنفس الوقت من هالناحية
- هناك زر للصد لاول مرة بالسلسلة مع وجود معيار تحمل للصد (بمعنى انك تقدر تصد كم معين من الضربات قبل ماتفقد الامكانية وترجع تتعبى مع الوقت واللي تاخذ ثواني بسيطة) أشوفها فكرة جدا ممتازة
- تنفيذ الحركات وافتقاده لاي directional input (يعني الحركات كلها تتنفذ بمجموعة من الازرار من دون الاتجاهات) بالبداية كنت جدا معارض للفكرة وشايفها ماتعطي منطق سليم بالتنفيذ لكن قدرت اشوف الpoint هنا وهي اعطاء اللاعب حرية حركة كبيرة بدون اي اشكاليات مع تنفيذ الضربات ورمي تنفيذ الحركات فقط على عاتق الازرار + أنه هذا الشي اتاح كم هائل من الcombination اللي ممكن يتم تنفيذها لكن حتحاج قدرة حفظ كبيرة لهذا الكم من الازرار
- في اهتمام كبير بالstat هنا وقد ايش ممكن يكون الفايت صعب عليك وهذا الشي يضطرك تماما على التدريب وتقدر تدرب جسمك وتحمله وقوة ضرباتك وتقدر تطور حركاتك كل على حدة من خلال التدرب المستمر عليها
ومن خلال هذي الأمور فوق نقدر نشوف ان النظام عنده اساس صح ولاحظت انه يصير ممتع مع الوقت ايضا
لكن الخلل الكبير اللي حيظل يشوب النظام القتالي واللي أشوفه أكبر عيب باللعبة بكبرها هو مدى ردائة الimpact حق الضربات واللي ماتعطي احساس صحيح بتاتا للضربات وفيزيائيتها... هناك خلل كبير بهذا الجانب... هذا الشي اللي تحتاج انك تحتمله عشان تتقبل النظام القتالي بجوانبه الاخرى.
شيء اخر يشوب النظام القتالي لكن نعلم عنه من فترة وهو عدم وجود أي مسكات واعتماده بالكامل على الضربات واستطيع اني ارى الان ليش لم يتم تنفيذها وواجهوا صعوبة معاها وهو لانهم لم يتسطيعوا حتى انهم يتمكنوا من فيزيئاية تأثير الضربات العادية فما بالك باتقان الأعقد من ذلك وهو انميشنز اشتباك شخصيتين سواءا من خلال المسكات او الانكاونترز.
فعليا اتمنى تحصل معجزة ويتم تطوير هذا الجانب ليصبح معقول على الاقل بالfinal build وما زال عندي أمل لانه الفريق اثبت مرارا وتكرار طوال مدة التطوير انهم في تطوير مستمر لجوانب اللعبة المختلفة ومع وجود كلمة not final على اللعبة وحديث سوزوكي انهم حيحسنوا النظام القتالي كلي أمل وثقة.
أشياء أخرى بسيطة أزعجتني باللعبة:
- الloop حق الموسيقى لاحظت أنه مش متصل يعني اذا انتهت الموسيقى يوقف الوضع بدون موسيقى لثواني قبل ماترجع تشتغل موسيقى المكان مرة ثانية... هذا شي قد يتصلح بسهولة بالفاينل-بيلد.
- وجود ماركس على الاشياء اللي ممكن تتفاعل معها... why؟ ذا الشي ديستراكشن ماله لازمه حتى مود الزوم (المنظور الاول) فيه اطار ماله لزمه هذي كلها أشياء جاية من الموديرن جيم-ديزاين هذي اليومين وما اعتبرها تطور بأي شكل بل الوضع اللي كانت عليه شينمو هو اللي رقي... أتمنى أنه هذا الشي من الممكن ألغاء تفعيله وهو أمر سهل فقط محتاجين يتنبهوا له.
وعشان أختم بpositive note انا أتكلمت عن الاتموسفير؟ حتى لو أتكلمت عنه برضوا حقول انه شيء خرافي فقط شينمو قادرة انها تقدملك هكذا اتموسفير غاية في الاتقان وشعور الانتماء للمكان.
استطيع أخيرا اني اقول اني كفان كبير لشينمو أصبحت جدا مطمأن على مضمون النسخة النهائية كمجمل وأنه حيكون مرضي في جوانب كثير فيه وأتصور هذا انطباع الكثيرين بعد تجربة الديمو وأشعر بسعادة غامرة أني كنت جزء من عملية أحياء المشروع للحياة لانه يستحق كل ريال يندفع.
الديمو بصفة عامة مرة ذكي في عملية السبويلرز مش بس مافيه "أي" محتوى قصصي مهم لكن حتى المنطقة هذي Bailu Village مش مفتوح الى جزء يسير منها كثير تفرعات طرق ولوح ارشادية تؤدي الى أماكن لا يمكن العبور لها بالديمو بما في ذلك بعض الخصائص الغير متاحة مثل صيد السمك او بوث التلفون بدون تلفون مثلا
الديمو ايضا قافل خاصية تعديل الصعوبة على نورمال (في صعوبيتن أعلى وصعوبة أخف)
من خلال الديمو تقدر تشوف تريلر النبوءة اللي أنعرض قبل سنة حصل على نسخة محدثة عشان يكون انترو Shenmue 3
تطويرات كبيرة حصلت في كثير من النواحي واللقطات
أعذروني على سبام الصور اللي حختم بيها لاني جدا جدا حبيت مظهر هذه اللعبة
يب متوفر لزمن غير محدد قد يكون لين تنزل اللعبة
