Royal Spark
Royal Guardian
تصنيف: تشوني- Darts
تاريخ الإصدار: 15 يوليو 2018
الشراء.
في قلب كل شخص في ظل و سواد معين. هالشيء نتيجة للحاجات إلا هو يخفيها داخله، الأشياء إلا ماحد يحتاج يعرفها أو يسمعها. إخفاء هالأشياء هو إلا يخليك ناضج. قدرتك على إنك تتصرف بالشكل المناسب دوما هو النقطة إلا تخليك توقف كونك طفل. مايلزم إنك دوما تكون عبء على الآخرين، لأن دورك إنك تكون بطل و إن وجودك بذاته كفاية حق إنك تساعد الآخرين.
لكن من الطفولة أيضا إنك ترفض الأشياء السيئة فيك و ترفض إنك تشوف و تعرف متى أذنبت. بدل ما تحاول تطلب المساعدة متى ما تحتاجها و بدل ما تعرف إنت من بالضبط. تحاول قدر الإمكان تغير هويتك عشان تكون "الشيء إلا تحبه". ترفض الآخرين لأنك ما تريد تكون عبء. تعزل نفسك عن الناس لأن ماحد يحتاجك. هالحاجات كلها أيضا - في النهاية- طفولية.
شاتن في أبسط صورة رواية عن النضج. تستخدم تجسيد للشيء ممكن يكون مشابه لPersona 4. بس التطبيق كليا مختلف بس لأن شاتن واعية لنفسها أكثر و تعاملها مع القضايا حقها بصورة عامة أفضل و أعمق. حتى لو كانت شوي تخبص في تعاملها مع الsexual assault فهي تبقى في رأيي تطبيق أفضل لأنها تتفادى مشكلة المراهقين إلا لازم يكون عندهم مشاكل إلا هي حاجة أعمق و أعقد من المستوى إلا كانت برسونا 4 حابة تناقش فيه.
هنا نجي لنقطة مهمة القضايا إلا برسونا 4 و شاتن يناقشوها مختلفة كليا و مقارنة "أفضل و أعمق" في النهاية بس أنا أعبر إني ما أحب برسونا 4 أمانة. التشابه في التجسيد هو بشكل أساسي نقطة الshadows. "أنا الظل، أنا الذات الفعلية" و الشيء ببساطة إن المشاعر المحتقنة في النهاية توصل للمرحلة إلا تقدر تنكر فيها الواجهة إلا الشخص يحطها للناس حوله. الشيء هو إن الواجهة هذي مش بالضرورة "كذبة" هي عمرها ماكانت و مارح تصير كذبة، بس الشك و الخوف يخربوا كل شعور الواحد ممكن يحس فيه و هم إلا يخلوا المشاعر إلا تحس فيها كذبة. هم إلا يخلوا شخصك مجرد واجهة. حصول هالشيء يقود الشخص إلى إنه يتحول إلى أكثر تسمية مميزة إلا هي schatten في الوقت إلا يسمع فيه الshadow stomping song. شاتن بالمناسبة تعني ظل بالألمانية أو كذا تدعي الرواية، الشيء زي ما قلت تسمية مميزة يعني و غير متوقعة و أنا طول هالوقت عايش أسئلة معقدة عن ليش الرواية ترمي كلمات ألمانية لكل شيء يعني.
الشخص إلا يتحول لظل مايرجع، انتهى و توقف كونه إنسان. الظل يحاول يحصل على المشاعر السلبية من الآخرين. كون الظل حاجة مش حقيقية - حتى و لو كانت تقدر تتفاعل مع الواقع- يخلي الناس ما تقدر تآذي ظل. الشيء إلا يقدر يآذي الظل لازم يكون متخيل أيضا و هو الZilkraiders إلا هم عكس الظلال في إنهم "الشيء إلا الشخص يتمنى يكونه" مش الحاجة إلا يريد يخفيها عن الناس. الزلكرايدر هو الحاجة إلا تتمنى الناس تشوفها.
طبعا شرحي للحاجات هذي كلها عشان أوصل لنقطة إن شاتن تاخذ أسلوب سرد مشابه لخلينا نقول الpower rangers بما إن الكل على الأغلب يعرف الشيء. بصورة كبيرة شاتن تحاول تكون شيء قريب للأنميات الصباحية و مسلسلات الأبطال في مباشرتها و إنها تتخلص من الحاجات المملة. أتوقع أي أحد يتكلم إيايي كفاية يعرف إني دائما أصرخ إني أريد الناس تضرب بعض وقت ما أشاهد شونن لأني قاعد أشاهد شونن لأني أبغى أشوف ناس تضرب بعض. إلا تسويه شاتن شيء مشابه في إنها تستخدم المباشرة حقها عشان تتخلص من الجزئيات "المملة" إلا رح تحملها قصة من نوعيتها. دائما في شيء يصير في شاتن، و دائما هالشيء يحصل بسرعة كفاية لأن الرواية تعرف كيف ما تضيع وقتك و كيف تكون مختصرة. هالشيء صراحة هو أكبر نقطة قوة في شاتن.
قوة أحداث شاتن ما تجي من الأحداث نفسها بل كيف تحصل و كيف إن الكل يحاول يتعامل معها بأكبر سرعة ممكنة. هالشيء ممكن يكون مشابه لشيء حبيته في Chaos;Child و هو إن طول وقت ما إنت تقرأ في حاجة تقدر تهتم فيها جالسة تحصل. هالشيء مارح يكون له قيمة لو طحنا في مشكلة ثانية تحصل في الشونن لها علاقة بكيف إن المنتج يرمي عليك شخصيات تحس بصعوبة إنك تستمتع بوجودها في الوقت إلا ما تضرب فيه أحد، الشخصيات سهل تتعاطف إياها.
كنت بفتح نقطة الحياة اليومية و الشخصية بمديح بس هو أكثر من أي شيء إلا تسويه شاتن عادي كثير و مش حاجة تستحق مديح لما تاخذه كمبدء. بس إنها تسويه بشكل مختصر و سريع هو إلا يخليه سهل يدخل نفسك. إنك تقدر تتعرف على الشخصيات من خلال مشهد واحد يخلي الرواية أوضح بكثير و يسمح لك تتعلق بالحياة اليومية الطبيعية حقها و الوقت إلا تمضيه إياها. لأن المشاهد ماتكون عشان تعرفك على الشخصيات كثر ما هي تعرفك على قيمة الوقت إلا هم يقضوه مع بعض، على قيمة علاقتهم.
شاتن تقولك عن كيف إن أي شخص يقدر يكون بطل، بس هالبطولة مش مثالية بالضرورة. كل واحد كنتيجة للبطولة حقه يحمل عبء. عدد كويس من شخصيات شاتن يحملوا على الأقل دم شخص واحد على أياديهم. طبعا ما باقول لو كان هذا القرار الصحيح (الشيء كان حتما القرار الصحيح في كل حالة) بس هالشيء يقولك الكثير. هالعبء هذا طبعا مرتبط بفكرة الشيء إلا هم لازم يعملوه لأن ما أحد سواهم يقدر يعمله. هالشيء ايضا مرتبط بإن الكاست ككل عنده مشاكل نفسية تقدر تختصرها في "أنا ما أستحق السعادة" إلا هو يقدر يتحول لحاجة ثقيلة بسرعة لو أحد يسألني. البطولة و التضحية حق أكثر من شخصية مش جاية من رغبة بإنهم يساعدوا أحد، كثر ما إنهم ما يشوفوا حياتهم تملك قيمة من غير هالشيء. مارح يكونوا أحد لو ما يقدروا يخلقوا لنفسهم القيمة هذي، لأنهم ما يستحقوا حاجة من غير هالشيء.
الصورة عشان أغير الجو يعني بس حبيت أكون واضح بخصوص الحاجة إلا الرواية تعالجها. الرواية مش عن ناس تتقبل نفسها زي ما هي. مش عن ناس تتقبل غرابتها. الرواية عن ناس تحصل قيمتها، عن ناس تتعلم تحب نفسها. عن ناس تقرر تصير أبطال أو حاجة مشابهة. عن ناس تقرر إنها تصير ناضجة. و شاتن كويسة لأنها كذا.
بشكل عام، شاتن ما تعيد اختراع العجلة و ما تسوي حاجة استثنائية صراحة. هي في النهاية تسوي حاجات بسيطة بطريقة صحيحة. و تقدر تاخذ طريق عشان تعالج شخصياتها و تعطي أكشن كويس مع موسيقى ممتازة كثير. الشيء في كثير أحيان كان يذكرني ب Dra+Koi إلا على كثر ما هي مجنونة و غير معقولة، كانت ببساطة قصة عن ولد و بنت يحبوا بعض. شاتن قصة ولد و بنت يغيروا حياتهم و حياة الناس إلا حولهم.
PS: أبغى أصير ساكاهارا لما أكبر.
"With the future in my right
and love in my left
I rise my fists with a burning passion to defend the will that shines in my soul!"
التعديل الأخير: