نقاش مانجا Versus (عمل One الجديد) | العدو الطبيعى للبشر هو ........

[AM152]

الاسم : Versus

النوع: أكشن، خيالى
تاريخ بدء النشر : نوفمبر 2022
معدل الصدور : شهرى (صدرت خمس شباتر وقت كتابة الموضوع)
المؤلف: One و من أعماله المانجا الشهيرة Onepunch man و Mob Psycho 100
الرسام : Azuma Kyoutarou و من أعماله The King of Fighters


نبذة عن المانجا :

فى عالم البشر فيه على وشك الإنقراض من قبل ال Demons بيتم عمل محاولة أخيرة لمواجهتهم بتكوين 47 فريق من الأبطال لمواجهة ال 47 Demon Lord اللى بيتحكموا فى العالم مع قائدهم The Great Demon Lord ، البطل Hallow تم تكليفه بالمنطقة رقم 11 و اللى بيتوجه ليها مع فريقه بالرغم من مخاوفه بس التطورات اللى هاتحصل بعد كده تبقى شئ خارج تفكير أو حسابات أى حد و الأبطال هيلاقوا نفسهم فى وضع جنونى


فكرة عامة :

فى البداية ماظنش إنى محتاج أكتب تعريف عن One و أعمال مشهورة بما فيها الكفاية بس بصراحة كنت متردد فى فتح الموضوع ، أولا لأن العمل يعتبر فى بدايته و ممكن بسهولة ياخد اتجاه مخيب للآمال أو حتى يتكنسل و ثانيا لأن النشاط محدود فى معظم مواضيع المانجا بس بصراحة حبيت جدا الفكرة اللى العمل قدمها و شايف إنها كفاية فى حد ذاته لإلقاء نظرة عليه حتى لو مستواه تدهور بعدها و حبيت ألفت النظر ليها و المرة دى One بياخد إتجاه مختلف عن أعماله السابقة (و ممكن حتى يعتبر العكس) ، بالنسبة للرسم فالمرة دى One بيتعاون مع رسام مختلف و المستوى اللى بيقدمه جيد حتى الآن


العمل بيبدأ بفقرة قصيرة عن فكرة العدو الطبيعى لفصيلة ما زى الثعبان بالنسبة للضفدع و إزاى إن فكرة هزيمته مستحيلة و إن العدو الطبيعى للبشر هو ....... ، اسم العدو مش واضح الشئ اللى استغربت منه فى البداية بس ده معناه هايتضح بعدين ، البداية نفسها تقليدية مع الفكرة المعروفة لمواجهة الأبطال لل Demon Lord بس مع تقدم الأحداث بتبتدى تكتشف تدريجيا إن الوضع مختلف تماما و ده مع سلسلة مع التويستات و المفاجآت اللى هتاخد العمل فى إتجاه غير متوقع و ده حرق بسيط لفكرة العمل لو مستعجل 13 عالم كل واحد فيه نوع من البشر بيواجه خطر الإنقراض نتيجة عدو طبيعى مختلف و أقوى منهم بمراحل و العوالم هايندمجوا مع بعض فى عالم واحد و تبقى مواجهة شاملة


الأفكار و الثيمات اللى بيقدمها العمل مش جديدة فى حدا ذاتها بس طريقة جمعها و تقديمها فى عمل واحد لعمل مواجهة ب Scale مهول يبقى هو الشئ المميز فى العمل و العمل بينجح فى إنه يجذب الإنتباه و يخليك تهتم بيه و تتخيل السيناريوهات المختلفة اللى ممكن يمشى فيها و إن كان ده فى نفس الوقت الشئ اللى بيخلينى قلقان لأن مع ال Scale الكبير و الأطراف الكثيرة فالقصة ممكن تخرج من يد الكاتب و تنهار بسهولة خاصة إن تركيزه المرة دى على شئ مختلف و مش عارف هل هايقدر ينجح فيه أم لا بس كما ذكرت العمل يستحق التجربة و اتمنى إنه يكمل على كده

 

[AM152]

انطباعات الشباتر السابقة :

Versus


المانجا تبقى العمل الجديد للمؤلف الشهير One مؤلف Mob Psycho 100 و One Punch Man و من رسم Kyoutaru Azuma و من أعماله The King of Fighters: A New Beginning و نزل منها شابترين مترجمين (من الحجم الكبير) وقت كتابة الرد

العمل بيبدأ بداية شبه تقليدية بس تدريجيا بيتضح إن الوضع المرة دى غير معتاد، البشر على وشك الإنقراض على يد ال Demons و فى آخر منطقة للبشر بيتم إعداد مجموعة من الأبطال لقتال ال 47 Demon King فى المناطق اللى بيتحكموا فيها بالإضافة لقائدهم و من ضمن الأبطال Hallow و اللى المفترض إنه يتوجه للمنطقة 11 بس المواجهات بتاخد طريق غير متوقع مع عدد من المفاجآت و التويستات اللى ماكنتش تخطر على بال حد

المتابع لأعمال One يقدر يلاحظ نمط معين خاصة بالنسبة للأبطال و سايتاما و موب متشابهين فى بعض النواحى زى كونهم Overpowered و مشاكلهم مع الجانب النفسى أكثر من المواجهات بس العمل هنا بياخد توجه مختلف و ممكن حتى نعتبره العكس من ناحية إن ( العدو هو اللى Overpowered بشكل جنونى ) مع بطل عادى و تركيز أكثر على ال Concept الغير متوقع للقصة (حتى الآن)

بالنسبة لل Concept فكل ماتفتكر إنك فهمت إتجاه العمل يتضح إن القصة ماشية بشكل مختلف و إن كنت أظن إن الفكرة العامة ظهرت مع نهاية الشابتر الثانى إلا لو حصلت مفاجأة جديدة ، العمل بيجمع بين عدة أفكار خيالية كل واحدة منهم تم استخدامها قبل كده بشكل ما بس الشئ المختلف هنا هو طريقة جمعهم فى عمل واحد عشان يعملوا شئ يديك الإحساس إنه جديد و غريب بس اللى قلقان منه إن Concept زى ده سهل يتعقد و الكاتب ممكن يفقد السيطرة على الخيوط اللى حطها

كإنطباع مبدئى فالعمل بيقدم قصة خيالية مثيرة للإهتمام مع Concept مميز و اتمنى إن العمل يستمر بالشكل ده و يحافظ على مستواه

Versus

شابتر 3

أظن إن إتجاه العمل إتأكد من خلال الشابتر ده و واضح إن الفكرة الأساسية هاتبقى إزاى تخلى الأعداء من كل عالم يحاربوا بعض

الوضع فوضوى و مجنون بس العمل قادر يتعامل مع الفوضى دى بشكل جيد جدا حتى الآن بدون إحساس بوجود عك و بالرغم من ال scale المهول للأحداث و اتمنى إنه يقدر يستمر على كده

واضح إن الشابتر الجاى هايستكشف طبيعة كل عالم و العدو الخاص بيه الشئ اللى متحمس له فعلا بس للأسف العمل شهرى و الإنتظار هايبقى صعب

مانجا Versus

شابتر 4

الشابتر مشى فى الإتجاه المتوقع منه بس بعض الأفكار و التفاصيل اللى قدمها كانت مثيرة للإهتمام فعلا

من خلال الشابتر اتعرفنا على العوالم المختلفة و العدو فى كل عالم فيها و بعض أفكار الأعداء كانت غريبة و مثيرة للإهتمام

فكرة عالم اللعنة غريبة و محتاجة تفصيل أكثر ، الإنطباع الأول عندى كان إن المشكلة تبقى التلوث بس واضح إن فى خطر أكبر و أقوى من كده ، برضه فكرة ال New humanity مثيرة للإهتمام و مرعبة فعلا فى نفس الوقت لو فكرت فيها و فى تبعات ظهورها فى العالم ، فكرة الشجرة العملاقة بتفكرنى بعمل الكاتب السابق موب سايكو بس متحمس أعرف تفاصيلها هنا ، عالم الجماعة الدينية عليه علامة استفهام كبيرة

الشئ اللى لفت انتباهى مع باقى المتابعين كان عالم ال Raiders و اللى من الوصف يبدوا إنهم مجرد بشر عاديين و أضعف بكثير من باقى الأعداء و البعض اعتبره مش متفق مع الباقى ، الإحتمال يبقى إن فى تويست بخصوصهم بس الوضع مش واضح حتى الآن

حبيت إن التنوع مش فى الأعداء بس و إنما فى البشر برضه ، البشر فى كل عالم مختلفين مش بس فى الحضارة و إنما فى بعض الأحيان فى الشكل و التكوين لدرجة إنك ممكن تعتبرهم فصيلة مختلفة زى البشر من عالم العمالقة

نقطة أخيرة تبقى إنى أظن إن ال Demons عدو أقوى بكثير من باقى الأعداء أو ده الإنطباع اللى خدته


أظن إن الشابتر يعتبر نهاية المقدمة و الأحداث هاتنطلق من الشابتر الجاى بس عندى قلق تجاه العمل ، العمل عنده Potential رهيب مع فكرة مميزة على Scale كبير بس فى نفس الوقت ده شئ يخلى تخريبها أو تحويلها ل Wasted Potential شئ سهل خاصة لو مافيش تخطيط جيد ، برضه مش متأكد من مدى الجدية اللى الكاتب هياخد بيها القصة بس اتمنى One يكون عارف هو بيعمل إيه و يقدم شئ على مستوى أعماله السابقة

 

[MOSU]

@dro

 

[dro]

@dro

Black guy staring at other guy meme

youtube.com

 

[AM152]

شابتر 6

أول تطبيق حقيقى للخطة بدأ بس النقطة الأهم تبقى البطل Alio ، طريقة تقديمه ادت انطباع عند نسبة من المتابعين إنه خاين على الأغلب بس الشابتر الجديد خلانى أرجح إنه مش خاين قد ما إنه هرب من المواجهة فقط ، غالبا Alio شاف قوة ال Demons و هرب من المواجهة و ترك فريقه للموت و هنا هو بيحاول يستعيد وضعه كبطل مع الخطة الجديدة

 

[AM152]

شابتر 8

شابتر متعب للأعصاب من أكثر من جهة

إحساس الضعف و اليأس فى الشابتر كان قوى فعلا و بيأكد فكرة إن البشر ماعندهمش أى إمكانية على التعامل مع أى عدو طبيعى بس السؤال اللى الكاتب بيأجله من مدة يبقى إيه بالضبط ال Neo Humanity ؟

من بعد إنتظار طويل للإجابة الشابتر بيتوقف عند كليف هانجر متعب للإعصاب قبل مانعرف حاجة عنهم ، فى أكثر من نظرية عند المتابعين بخصوصهم خاصة مع بعض الملاحظات المثيرة للإهتمام زى تصميم عالمهم الغريب أو إخفاء وجوه الناجين منه بس الكاتب حتى الآن ماشى بشكل straight forward بدون تويستات فى آخر 3 شابتر (الشئ حتى ضايق و أثار قلق البعض) و التخوف يبقى إن الكشف مش هايبقى قد الهايب ، للأسف مافيش حل غير الإنتظار

 

[AM152]

شابتر 9.2

شابتر جيد جدا

Alio أثبت نفسه كبطل و هجومه الأخير كان رهيب فعلا ، النقطة اللافته للإنتباه إن الهجوم كان فعال سواء ضد العمالقة أو ال Neo Humanity فى الوقت اللى كل الأبطال بما فيهم Alio نفسه فشلوا تماما فى مواجهة أى Demon Lord الشئ بيدل على إن الأبطال مش ضعفاء فى الحقيقة زى معظم البشر و على العكس هما أقوياء و بفارق بس ال Demon Lords على مستوى مختلف تماما من القوة

غرور الأشرار معتاد فى الأعمال المشابهة بس ال Neo Humanity كانوا مستفزين جدا و الشئ الغريب إعتبارهم إن كل الخسائر اللى حصلت مقبولة ، حتى ظهور ال Parasite اعتبروه شئ فى صالحهم ،أظن إن خطورة ال Neo Humanity هاتبقى فى الذكاء أكثر من القوة و ممكن حتى يستخدموا ال Parasite كسلاح ضد باقى الأطراف

بصراحة توقعت إن موضوع يد ال Demon مش هايوصل لنتيجة حاسمة و إن الكاتب هايستخدمه كمقدمة لخطة ما بس لا ، بمجرد التخلص من فريق من العمالقة بيظهر جيش ال Demon قدام القلعة مباشرة و مش محتاج أقول إن مافيش أدنى فرصة عند البشر للفوز و السؤال يبقى أى طرف اللى هايتدخل المرة دى؟